04.03.2020ж. Семей қаласы М.О.Әуезов атындағы педагогикалық колледжінде хакім Абайдың 175 жылдық мерейтойына орай «Әнді сүйсең менше сүй» атты «ЕКІ ЖҰЛДЫЗ» өнер байқауы өткізілді. Абай Құнанбайұлының музыкалық мұрасын насихаттау арқылы студенттердің бойында рухани-адамгершілік, имандылық қасиеттерін арттыру мақсатында өткізілген байқауды колледжіміздің «Музыка және көркемеңбек» бірлестігі оқытушылары Н.С.Сағынбаева мен Ж.К.Мырзаханов ұйымдастырды. Екі жұлдызға «Музыкалық білім беру» мамандығының білім алушылары мен колледж ұстаздары жұптасып қатысты. 12 жұп ұлы ақынның «Қарашада өмір тұр», «Айттым сәлем қаламқас», «Желсіз түнде жарық ай», «Сегіз аяқ», «Есіңде бар ма жас күнің», «Тереңдеп қарайсың», «Өзгеге көңілім тоярсың», «Тыңда мені, достарым», «Көзімнің қарасы» әндері орындап, кеш соңында физика пәнінің оқытушысы М.Муканов пен 1 курс студенті Меллат Самғар Абайдың күйі «Торы жорғаны» ойнады.
Кеш қорытындысы бойынша Н.Сағымбеков пен А.Жабатаева «Тереңдеп қарайсың» әнімен І ОРЫН, М.Ш.Тоқтарбек, С.К.Абдыкаримова, Д.Социалов «Көзімнің қарасы», С.А.Мукышева, А.Мәнтай «Қарашада өмір тұрZ» әндерімен ІІ ОРЫН, Б.Сағатбеков, Б.Рысбек «Сегіз аяқ» әнімен ІІІ ОРЫН иеленді.
Мерекелік кеш колледж директоры ф.ғ.д. Ш.А.Жанаеваның ардагер ұстаз, дене тәрбиесі пәнінің оқытушысы Тобыкбаева Гулия Сагидолдақызына оқу орнындағы маман даярлаудағы табыстары үшін М.О.Әуезов төсбелгісімен марапаттауымен аяқталды.
