Кештің мақсаты:
- 1 курс студенттерін колледжге бейімдеу;
- Бітіруші топтардың ұжымда қалыптасуын, кәсіби мамандануын, өнер, спорт, ғылымдағы жетістіктерін паш ету;
- Оқу орныны және оның қалыптасқан дәстүрлі шараларын бірінші курстарға таныстыра отырып, алдағы уақыттағы жауапкершіліктерін сезіндіру;
Колледждің 115 жылдық тарихы, дәстүр мен жаңашылдық, ұстаз мамандығы, біліктілік, тұлғалық ерекшелік, Елбасының жастар саясаты, мұғалім мәртебесі, латын әлібиіне көшу, цифрлы технология сынды ұғымдар – бұл шараның басты идеясы ретінде қарастырылып, түрлі жанрлар: ән, поэзия, көркемсөз, би, пантомимо, реп арқылы жеткізілді. Кеш соңында колледж әкімшілігі 1 курстарды студентттер қатарына қабылдауымен құттықтады. ҚР білім беру ісінің құрметті қызметкері, Ы.Алтынсарин төсбелгісінің иегері, директордың оқу ісі жөніндегі орынбасары Тоқтарбек Майра Шакенқызы «Үздік Әуезовші 2018» жүлдегерінің есімін жария етті. Жеңімпаз «Қазақ тілі және әдебиеті» бөлімінің 4 курс студенті Қожагулова Жаннур Рашидқызы деп танылып, «Үздік Әуезовші» төсбелгісімен марапатталынды және колледж директорының бұйрығымен арнайы стипендия тағайындалды. Айта кету керек, үміткерлердің оқу үлгерімі, білім, ғылым, өнер, спорттағы жетістігі, қоғамдық белсенділігі және М.О. Әуезов мұрасын зерттеп, дәріптеудегі үлесі – жеңімпазды анықтаудың негізгі критерийі болып табылды.
