АЛАШТЫҢ БІЛІМ ОРДАСЫНА – 120 ЖЫЛ
06.06 2024 ж. “Семей қаласы Шәкәрім университеті” КЕАҚ Шәкәрім жоғары колледжі базасында Абай облысының техникалық және кәсіптік білім беру ұйымдарының жас оқытушылары мен олардың тәлімгерлері арасында “Мен және менің тәлімгерім” атты облыстық байқауы өтті.
Байқау екі кезеңнен тұрды.
Бірінші кезең – “Бірге біз командамыз” бейне визиткасы.
Екінші кезең – Менің StartUp – Менің жетістігім” шығармашылық – педагогикалық байқауы.
Байқауға Абай облысының 11 техникалық және кәсіптік білім беру ұйымдарының жас оқытушылары мен тәлімгерлері қатысты.
Байқаудың қорытындысы бойынша “М.О. Әуезов атындағы педагогикалық колледжі” КМҚК атынан қатысқан жас маман, тарих және қоғамдық пәндер оқытушысы Бажакупова Мәдина Бауыржанқызы мен тәлімгері – Мұқанов Төлеуғазы Камалұлы жүлделі 2 орынға ие болды.
Байқаудың соңында “М.О. Әуезов атындағы педагогикалық колледжінің” КМҚК “Шет тілі” бөлімінің оқытушылары Е.Қ.Хамит пен І.Д.Сәулетбек “Жас оқытушылар” гимнін орындады.
Әріптестерімізді жеңістерімен құттықтаймыз!
