Қысқа ғұмырында қазақ әдебиетіне өшпес те, өлмес мұра қалдырған Мұқағали Мақатаевтың туғанына 90 жыл!
Ақынның туған күнін М.О.Әуезов атындағы педагогикалық колледжінің жыр сүйер студенттері де атап өтті. «ҚАЗАҚ ҚАРАӨЛЕҢІНІҢ ХАНТӘҢІРІ» тақырыбында ұйымдастырылған іс-шараға 1-3 курс студенттері қатысып, ақынның әртүрлі тақырыптағы өлеңдерін жатқа айтып, әлеуметтік желілер арқылы көпшілікпен бөлісті.
“Қаламгер” ақындар үйірмесі мүшелерінің ақынға арнауы телетораптан көрсетіліп, 2-3 курстар аралығында «… Қасиетіңнен қара өлең, айналайын» атты онлайн мәнерлеп оқу байқауы өткізілді. 1-курс студенттерімен ақын өлеңдерін жатқа оқудан жарыс ұйымдастырылып, “Бір ел, бір кітап” акциясы бойынша ақынның “Өмірдастан” кітабына арналған оқырмандар конференциясы өткізілді.
Жыр сүйер жастар жүрегіне ақын өлеңдері тояттамас көңіл мен кәусар сезім сыйлайтын сергектігімен жол тартқан. Сырлы өлеңнің падишасы Мұқағали Мақатаевтың артында қалдырған мұрасы, маржан поэзиясы – мәңгілік ұрпақтың еншісінде қалмақ.
