Бүгін, 9 ақпан-ақиық ақын Мұқағали Мақатаевтың туған күніне орай ақын шығармашылығын жас ұрпаққа таныстыру, насихаттау мақсатында М.О.Әуезов атындағы педагогикалық колледжінде «Сөз құдіреті» және «Қаламгер» үйірмелерінің ұйымдастыруымен «Жырлайды жүрек» атты әдеби-сазды кеш өткізілді.
Кеш барысында ақын өлеңдерін үйірме қатысушылары мәнерін келтіріп орындаса, Семей қаласының Шәкәрім атындағы университеттінің ақындары Асқарбек Жақсылық пен Талғарбеков Ақерке жүрек жарды арнауларын оқыды. Кеш қонақтары, Қалалық мәдениет сарайының әншілері Мағжан Кәкітаев , Айдан Бауыржанұлы, Жанболат Шарипов және колледж білім алушылары ақын сөзіне жазылған әндерді шырқады.
Жыр сүйер қауымға көтеріңкі көңіл күй сыйлаған кеш Студенттік Парламент ұйымдастырған шараға ұласты. Колледж оқытушылары мен білім алушылар “Дастан” кинотеатрында “Мұқағали” кинофильмін тамашалады.
