7 мамыр – ҚР Қарулы Күштерінің құрылған күні. Бұл күнді қазақстандықтар Отан қорғаушылар күні ретінде атап өтіп, ер азаматтарға құрмет көрсетеді.
6 мамыр күні М.О.Әуезов атындағы педагогикалық колледжінің қыздар қауымы да Отанымыздың қорғаушылары, жас ұрпаққа білім мен тәрбие беру саласында еңбек етіп жатқан ерлер қауымына арнап мерекелік кеш өткізді. Әрбір пәндік әдістемелік комиссия мүшелері өнер көрсетіп, ән мен биден шашу шашты. “Астарлы ақиқат” бағдарламасы жобасында өткен кеш бөлімде ерлер қауымы әзіл аралас сұрақтарға жауап беріп, көрікті кештің ажарын асыра түсті.
Кеш соңында колледж директоры ф. ғ. к. Ш.А.Жанаева колледж ұжымын мерекемен құттықтап, Отан қорғаушы азаматтарға жас ұрпақты тәрбиелеу жолында атқарған қызметтері үшін алғыс білдірді.
