5 қазан – Ұстаздар күні

Биылғы жыл 5 қазан – Ұстаздар күні колледж көлемінде ерекше аталып өтті. Бұл күн өзін өзі басқару күні болып жарияланып, колледжі әкімшілігі мен оқытушыларын дублерлар алмастырды. Мерекеге орай студенттердің өзін-өзі басқару құзіреттілігн дамыту мен кәсіби тұлғаландыру мақсатында оқу орнының оқу-тәрбие үрдісін ұйымдастыру және басқаруды студенттер жүзеге асырды.

Директор: ДТ 21-09-01 топ студенті Төлембесов Бекзат

ДТІЖО: 47 топ студенті Сембаева Назгул

ДОІЖО: БББ 21-09-01 топ студенті Ардаққызы Жұлдыз

Оқу бөлімінің меңгерушісі: 44 топ студенті Қабласымова Жансая

«Спорт және өнер» бөлімінің меңгерушісі: ДТ 21-09-01 топ студенті Қаблбекұлы Мағжан

«Бастауыш білім беру» бөлімінің меңгерушісі: БББ 21-09-01 топ студенті Досжанқызы Гүлсім

«Шет тілі» бөлімінің меңгерушісі: ШТ 22-09-01 топ студенті Шакенова Ильназ

«Мектепке дейінгі тәрбие» бөлімінің меңгерушісі МДТ 21-09-02 топ студенті Еркінбекова Зейнеп

Педагог-ұйымдастырушы: ШТ 21-09-01 топ студенті Амангелді Ұлпан

Сонымен қатар барлық топтарда “Ұстаз ұлы есім” тақырыбында тәрбие сағаттары коллоквиум, World cafe, Anti–conference, Candle Cafe, Fail conference, Pecha Kucha, Lunch with dancing форматтарында ұйымдастырылды.

ІІІ курс студенттері қатысуымен “Ұстаз – ұлы есім” тақырыбында ұстаз бенефисі өтті. ІІ дәрежелі Барыс орденінің кавалері, Ы.Алтынсарин төсбелгісінің иегері, ҚР Білім беру ісінің құрметті қызметкері, оқу орнымыздың директоры ф.ғ.к. Жанаева Шағангүл Алдамжарқызымен өткен кездесуде колледж басшысы еңбек жолы туралы әңгімелеп, ұстаздық жолдың қиындықтары мен қызықтары туралы тебірене ой қозғады. Ұстаз жетістіктері бойынша фотоальбом көрсетіліп, студенттер өздерін толғандырған сұрақтарына жауап ала алды.

Мерекелік күн «Ұстаз – жас ұрпақтың рухани сәулеткері» тақырыбындағы салтанатты жиынмен қорытындыланды. Жиында колледж басшысы Шағангүл Алдамжарқызы Жанаева оқытушыларды кәсіби мерекесімен құттықтап, Қазақстан Республикасы Оқу-ағарту министрі Ғани Бектайұлы Бейсембаевтың құттықтау Алғыс хатымен таныстырды. Ұстаздардың мәртебесін көтеру және педагог қызметкерлерінің еңбегін қолдау мен ынталандыру мақсатында үздік мұғалімдерді Абай облыстық білім басқармасының басшысының және Республикалық, облыстық кәсіподақ ұйымы Алғыс хаттарымен марапаттады.