М.О. Әуезов атындағы педагогикалық колледжінде 4 маусым – Қазақстан Республикасының Рәміздер күніне орай 1 курстар арасында әскери-саптық жүріс байқауы өтті. Байқаудың мақсаты: жас ұрпақты Қазақстан Республикасының Рәміздерін құрметтеуге үйрету және олардың бойында әскери-патриоттық сезім қалыптастыру, студенттердің алғашқы әскери дайындық пәнінен саптық даярлық бағдарламасын игеру сапасын анықтау.
Байқау қатысушыларына Семей қаласы Қорғаныс істері жөніндегі басқарма бастығының орынбасары К.К. Бердікенов, облыстық АӘД әдістемелік бірлестік төрағасы Е.Ш. Қоңырбаев, №28738 әскери бөлімнің қызметкері, сержант А.А. Елекенова, «Шығыс» әскери қолбасшысының баспасөз қызметінің бастығы, аға лейтенант И.Қ. Қалдыбеков және М.О. Әуезов атындағы педагогикалық колледжінің көпшілік спорт жұмыстарының жетекшісі С.Қ. Тоқтарбек төрелік жасады. Байқау 3 турды құрады: 1-турда взвод командирлері баянат беруден сынға түссе, 2-турда саптық жүріс, 3-турда саптық әнмен жүріс кезеңдері бойынша бағаланды. Қазылар алқасының шешімі бойынша, І дәрежелі дипломды 0105033 «Бастауыш мектептегі ағылшын тілі мұғалімі» мамандығының 12 топ студенттері (топ жетекшісі: Нұрланова А.К.), ІІ дәрежелі дипломды 0111083 “Шетел тілі пәнінің мұғалімі” мамандығының 14 топ студенттері (топ жетекшісі: Жақсыбаева Ә.М.), ІІІ дәрежелі дипломды 0101013 “Мектепке дейінгі ұжымдардың тәрбиешісі” мамандығының 15 топ студенттері иеленсе, 14 топ студенті Жаңғазы Еркежан «Үздік командир» аталымымен марапатталды.
Тәуелсіз Қазақстанымыздың Туы – тұғырлы, Елтаңбасы – еңселі болып, Әнұраны – әлем кеңістігінде шырқала берсін!
