ӘЗІРБАЙЖАН МӘМБЕТОВ АТЫНДАҒЫ МЕМЛЕКЕТТІК ДРАМА ЖӘНЕ КОМЕДИЯ ТЕАТРЫ
Астана қаласының Әзірбайжан Мәмбетов атындағы мемлекеттік драма және комедия театры Ақберен Елгезектің «Болмаған балалық шақ» бестселлері желісімен қойылған драмасын көрерменге ұсыну мақсатында гастрольдік сапармен Семей қаласына келді.Қаламызға келген Театр труппасымен танысу, қойылым барысындағы қиындықтар мен қызықты сәттермен бөлісу үшін Алаштың білім ордасында оқытушылар және колледжішілік «Ес-Аймақ» жастар театрының қатысуымен кездесу өтті.
Колледж директоры, ІІ дәрежелі Барыс орденінің кавалері, ф.ғ.к Шағангүл Алдамжарқызы Жанаева «Болмаған балалық шақ» бестселлерінің авторы А.Елгезек туралы әңгімелеп, оның ата-анасының осы колледж түлегі болғандығына тоқталды.
TEDх форматында өткен кездесу барысында студенттер және оқытушылар қойылым режиссері мен актерлерге қойылым және актерлік өнер туралы сұрақтарын қойып, тұшымды жауаптар алды. Актерлер қонақ кәде ретінде өлең оқып, ән айтып, бар өнерлерін ортаға салды.Барлық оқырмандарымызды 18 қазан күні сағат 19.00-де Абай театрында өтетін «Болмаған балалық шақ» драмасының премьерасын тамашалауға шақырамыз!
