Театр қызметкерлерінің кәсіби мерекесінде, ұлы өнердің ұлықталар күні М.О.Әуезов атындағы педагогикалық колледжіндегі “Ес-Аймақ” драма үйірмесінің жетекшісі С.С.Калиева сыр-сұхбатқа толы тамаша кездесу өткізді. Кездесу қонақтары – Ғ.Мүсірепов атындағы академиялық балалар мен жасөспірімдер театрының көркемдік жетекшісі, SmarTDrama театр лабораториясының жетекшісі Фархад Молдағали, “Дариға-ай” жастар театры әдеби бөлімінің меңгерушісі Гүлжан Құдайберген, көркемдік жетекшісі Еркебұлан Әбдірахманұлы, актері Әділжан Серікқалиев және оқу орнымыздың “Қазақ тілі мен әдебиеті” мамандығы бойынша түлегі, ” Ес-Аймақ” драма үйірмесінің белді мүшесі болған Серік Мүрсәлім.
Кездесу басында драма үйірмесінің бүгінгі тыныс-тіршілігі, құрылғалы бері жеткен жетістіктері қонақтар назарына ұсынылды. Қонақөтарымыз студенттердің қызықтыратын сұрақтарына жауап бере отырып, саф өнерге баланатын театр өнері, оның қызығы мен қиындығы, рухани-мәдени құндылық пен эстетикалық тәрбие берудегі киелі сахнаның рөлі туралы ойларымен бөлісті. Актерлер “Ес-Аймақ” драма үйірмесінің мүшелеріне кәсіби тұрғыдан кеңес беруге, көмек көрсетуге дайын екендігін айта кетіп, өнерлі жастарды кастингте өздерін сынап көруге шақырды. Кездесу театр өнерінің дамуы мен жетістіктері, сахнаның құдіреті жайлы сырлы сұхбатқа ұласты!
