2021 жылды 28 қыркүйегінде «М.О.Әуезов атындағы педагогикалық колледжі» КМҚК колледж оқытушылары арасында ҚазКСР Ғылым Академиясының академигі, қоғам қайраткері, ғұлама ғалым, жазушы М.О.Әуезовтің 124 жылдығына арналған колледжішілік «ӘУЕЗОВ ОҚУЛАРЫ» атты ғылыми-тәжірибелік конференция өткізілді.
Конференция секцияларының жұмыстары үш бағытта өрбіді:
- М.О.Әуезовтің өмірі мен қызметі;
- М.О. Әуезов мұрасы және Алаш идеясы;
- М.О. Әуезов шығармаларын оқытудың өзекті мәселелері.
Конференция мақсаты: М.О.Әуезовтің өмір жолы мен шығармашылық мұрасын зерттеудің және оны оқытудың өзекті мәселелерін талдау. Заманауи әлемде қазақ әдебиетінің классигі М.О.Әуезовтің қалдырған мұрасының ролі мен маңыздылығын тану.
Ұйымдастырушылар: «Филология» және «Шет тілі» пәндік-әдістемелік комиссиясы.
Конференцияға барлығы 35 баяндама келіп түсті. Оқытушылар әуезовтанудың өзекті мәселелері жайында келелі пікірлер айтып, ой бөлісті.
Қатысушылардың баяндамалары критерийлер бойынша (пәндік-ақпараттық құрылым, әрекетті-коммуникативтік құрылым , АКТ-құрылым) алынған құзыреттілік көрсеткіштері негізінде бағаланды. Конференция жүлдегерлері І, ІІ, ІІІ дәрежелі Дипломдармен марапатталды:
І орын – қазақ тілі мен әдебиеті пәнінің оқытушысы Нурпеисова Е.Б.
ІІ орын – қазақ тілі мен әдебиеті пәнінің оқытушысы Түсіпбаева С.Қ.
ІІІ орын – педагогика пәнінің оқытушысы Алканова З.С.
шет тілі пәнінің оқытушысы Секенова А.М.
