«Оқуға құштар орта» жобасы аясында М.О.Әуезов атындағы педагогикалық колледжі 1 курс студенттері арасында отбасылық оқуға кемел жазушы М.О.Әуезовтің «Қилы заман» повесі таңдап алынып, оқылды. Екінші кезеңге әр топтан үздік шыққан бір отбасы қатысып, Zoom қосымшасында 4 кезең бойынша берілген тапсырмаларды орындады. Отбасылық оқуға қатысқан кітапхананың белсенді студенттері мен ата-аналары, қойылған сұрақтарға жауап беру барысында бірлесе оқығандарын дәлелдей білді. Сайыста белсенділік танытып, отбасылық оқуға ерекше дайындықпен қатысқан 11-топ студенті Төлеуғазина Гульвира мен анасы Жунусова Майгүл 1-орынды, 15 топ студенті Марксов Ернұр мен анасы Мукатова Анар 2-орынды, 19 ә топ студенті Сапашева Аңсаған мен анасы Мұхаметжанова Меруерт 3-орынды иеленді. Қалған қатысушылар «Алғыс хаттармен» марапатталды.

Болашақ жас мамандардың кітап оқуға деген қызығушылығын арттыру мақсатындағы іс-шаралар  әлі де жалғасын таба береді.