Бүгін 15 мамыр 2021 жыл Семей қаласы ,,М.О.Әуезов атындағы педагогикалық колледжі,, ҚМҚК «Жазғы сауықтыру лагері» бойынша семинары қашықтықтан ЗУМ платформасы арқылы өтті. Семинарға ,, Бастауыш білім беру,, мамандығы бойынша 31, 32, 301, 310-топ машықкерлері қатысты. Семинар барысында топ студенттері түгенделе келе, лагерьдің аға тәлімгеріне А.К. Нурлановаға топ басшылары рапорт берумен басталып, саптық шерумен жалғасты.
Соның ішінде 310-топ «Қош бол, лагерь!» атты лагердің жабылу салтанатын ұйымдастырудың әдістемесімен тәжірибе алмасты.
Бірінші лагерьдегі соңғы күнді бейнематериал арқылы көрсетіп, белсенді қатысқан оқушыларға мадақтама табыстай отырып, ЗУМ платформасында отырған 31, 32, 301 топ тәлімгерлерімен «Адасқан әріптер» атты ойынды ұйымдастырды. «Жалындаған жастық шақта, Кездесерміз болашақта Қош сау болыңыздар!» деген жалынды сөздермен жабылу салтанатын аяқтады.

Бізге жетекшілік еткен А.Қ.Кабимолдинаға үлкен алғысымызды білдіреміз. Осы аптаның ішінде біздің білімімізді жетілдіріп, дайындығымызды қадағалап, бағыт-бағдар беріп отырды.

Семинарда өзімізге аларымыз көп болды. «Бастауыш білім беру» мамандығының студенттерімен тәжірибе алмастық. Тәлімгерлердің бәріне алдағы тәжірибені абыроймен өткізуіне сәттілік тілектеспіз!