9-мамыр -Жеңіс күні қарсаңында М.О.Әуезов Атындағы Педагогикалық Колледжі “Шет тілі” бөлімінің ұйымдастыруымен лекторлық сағат өтті. Лекторлық сағаттың мақсаты: Жас ұрпаққа ұлы Отан соғысына қатысқан оқу орны түлектерінің майданда көрсеткен ерліктері мен өмір жолдарын насихаттау. Оқу орнының тарихында өшпес әріптермен аты жазылған жауынгерлер: Ізғұтты Айтықов, Мансұров Аймұхамед Көпежанұлы,Тыныбаев Демесін Зәкәрияұлы, Шектібаев Қиямет Шектібайұлы, Сейфуллин Еңбек Сейфолдаұлы, Шулятникав Василий Александрович, Василий Васильевич Бунтовских, Әзілхан Нұршайықов, Бекбаев Асылхан Табылдыұлы. Білім алушылар осы тұлғалар жайлы ақпараттар жинап, сұрыптап, библиографиялық қор жасақтады. Жинақталған материалдар көпшілік студенттерге ұсынылады. Лекторлық сағатқа “Филология”, “Бастауыш білім беру”, “Мектепке дейінгі тәрбие және оқыту”, “Дене тәрбиесі” бөлімдерінің студенттері қатысып, ақпараттар  алды. Лекторлық сағат соңында Жамбыл Жабаевтың «Ленинградтық өренім» өлеңі 3 тілде айтылып, “Әлия” әні орындалды.