119 жылдық тарихы бар іргелі оқу орындарының бірі – Мұхтар Омарханұлы Әуезов атындағы педагогикалық колледжінде 2022-2023 оқу жылының басталуына орай Білім күніне арналған жиын өтті. Жиынға 1- курс студенттері мен ата-аналар, оқытушылар қатысты. Мерекелік іс шара колледж басшысы Шағангүл Алдамжарқызы Жанаеваның М.О.Әуезовтің 125 жылдығы, Ә.Нұршайықовтың 100 жылдығы қарсаңында колледжімізге алғаш қадам басып тұрған 1 курс студенттері мен ата-аналарын құттықтау сөзімен басталды. Колледж басшысы 2022-2023 оқу жылындағы ТжКББ ұйымдарында білім беру процесін ұйымдастырудың ерекшеліктері мен колледждің ішкі тәртіп ережесі, оқу орнының жаңа оқу жылына дайындығы туралы айтып өтті. Бөлім меңгерушілері мен топ жетекшілері таныстырылды.
Жиын барысында полиция лейтенанты Даңқыбаев Мерей Сәтекұлы теміржол аумағындағы қауіпсіздік шаралары жөнінде ақпарат берді.
Жиыннан кейін 1 курс студенттері «Шаңырақтану» бағдарламасы бойынша колледжбен танысып, «Білімге ұмтылу, еңбексүйгіштік және патриотизм» тақырыбындағы тәрбие сағаттарына қатысты.
Жаңа оқу жылында колледж оқытушылары мен студенттеріне сәттілік тілейміз!!!
